شرح مبسط وشامل عن التعدين بكروت الشاشة GPU.Mining
احبائى زوار ومتابعى مدونه موثوق للمعلوميات رايت فى الفتره الاخيره ان عمليات البحث كثرت جدا عن التعدين الالكترونى, الربح من التعدين البتكوين,افضل موقع تعدين البتكوين,شرحgenesis-mining,افضل مواقع تعدين سحابى مجانى 2017,وغيرها من الكلمات التى يبحث اصحابها عن الربح من الانتر نت عن طريق عمليات التعدين بطبيعه الحال هذا المجال الضخم والكبير والتى بدأ يظهر ويتوسع شىء فاشيئا فى عالمنا العربى لما له من اهميه كبيره وما يدخله من ارباح ضخمه على صاحبه ان كان جديا فى تنفيذه
اولا الجزء النظرى
- التعدين عباره عن تشغيل جهاز الكمبيوتر بتاعك لمراقبه شبكه عمله رقميه وعمليات ارسال واستقبال العمله واخذ اجر مقابل ده
- الاجر بتاخده كجزء من العمله وعلى حسب القوه التعدينيه للجهاز وبيتأثر بسعر العمله الى بتشتغل عليها ومدى الصعوبه والصعوبه بتكون طرديه مع عدد الاجهزه المتصله بشبكه العمله اللى انت بتعدن عليه يعنى كل ما يكون في تنافس على الحصول على العمله دى بيكون صعوبت التعدين اكبر وبالتالى ربح اقل والعكس وبمعنى اخر (بحسب عدد الاجهزه المتصله بشبكه العمله بيكون فى تنافس على الحصول على الاجر من مراقبه الشبكه والى بيتسمى بفك شفره البلوك وهو جزء برمجى يخص طبيعه عمل العملات الرقميه وكل ما زادت مستوى الصعوبه قل انتاج العمله )
- القوه التعدينيه بتتحدد بنوع وعدد كروت الشاشه مش باى حاجه تانيه فى الجهاز واى حاجه تانيه هتبقى بتخدم كروت الشاشه وبتحافظ على انها تشتغل بشكل سليم ليس ألا
- كل كارت شاشه ليه قوه تعدينيه اسمها هاش ريت وهى الى بتحدد مكسبك من التعدين
- مفيش شركه معينه هى الى بتحاسبك والموضوع كله لا مركزى (يعنى محدش بيتحكم فيه ) والاجر الى بتاخده على شكل عمله بتتولد وبيتعمل منها تلقائى من شفره العمله والى بتكون مفتوحه المصدر بمعنى ان اى حد يقدر يشوف الكود البرمجى للعمله وممكن تطويرها
- جهاز الكمبيوتر الى ممكن تشغله فى التعدين هو جهاز عادى بمازر بورد فيها اكثر من PCI علشان توصل عليها اكثر من كارت ورامه متقلش عن 4 جيجا مع باور كبير او اكثر من باور وده حسب عدد الكروت الى هتوصلها بالجهاز
- العمر الافتراضى للجهاز الى هتجمعه مع المحافظه على تهويه مناسبه وكهربا مستقره للاجهزه مش هيقل عن 3 سنوات
- العائد المادى هيساوى راس المال خلال سنه تقريبا ويعادل 1 دولار لكل 1 ميجا هاش ريت فى عمله (الاثريوم) تقريبا او من 25 الى 30 دولار شهريا لكل كـارت من نوع rx470 او rx480 والتكلفه الاجماليه لجهاز من 6 كروت شاشه هتكون من 40 الى 50 الف جنيه (مصري) تقريبا مع عائد شهرى من 150 ل 200 دولار واستهلاك للكهربا من 350 ل 500 (جنيه مصرى) فى الشهر وتقدر تحسب استهلاكك من الكهربا بعدد الكيلوات لجهازك شهريا وبشكل عام الجهاز الواحد بيستهلك 1 كيلو وات لكل ساعه تقريبا بما يعادل 720 كيلو وات شهريا وده بيعادل 350 جنيه تقريبا فى فاتوره الكهربا وكل ما زادت الاجهزه زاد الاستهلاك ودخلت فى شريحه اعلى بحيث لن ال 1000 كيلو وات مثلا بيعدو ال 650 جنيه تقريبا شهريا
- بتقدر تبدل العمله الى بتشتغل عليها بالبتكوين فى منصات التداول العالميه poloniex لمعرفه تفصيل اكثر عن هذه المنصه انصحك بمشاهده موضوع ()
- الاجهزه ممكن تشتغل 24 ساعه و7 ايام فى الاسبوع وبدون تدخل منك بعد تجميع الجهاز واستقرار الاداء ، مع ضروره المراقبه طبعا
الهاردوير - Hardware
شرح مبسط وشامل عن التعدين بكروت الشاشة GPU.Mining |
- مازربورد فيها اكثر من PCI وتقدر تتحمل الشغل الشاق والافضل فى المجال ده هى asrock81H والمصممه لمقاومه تغيرات الكهربا والرطوبه
- كروت شاشه وهى المسؤوله عن تحديد القوه التعدينيه والافضل حاليا rx470 ثم rx480 من حيث مناسبه التكلفه للعائد
- رايزرات توصل بين المازربورد وكرت الشاشه وانت محتاج واحد لكل كارت والافضل هى رايزات ال6 بن لامكانته توصيلها مباشر بكابلات ال6 بن والى بتتحمل الحراره والكهربا اكثر من كابلات الساتا ،ولازم الخامه كويسه علشان متسببش خساره كـارت الشاشه
- باور واحد كبير للجهاز او باور 500 لكل كـارتين وفى حاله هتستخدم اكتر من باور هتوصلهم ببعض بقطعه مخصصه لده ودورها انها هتشغل وتفصل الباورات الاضافيه مع الباور الاساسى،ويفضل يكون الباور من نوع single rail
- رامه 4 جيجا وهارد باى مساحه وبروسيسور مناسب للبورده الى هتجيبها
- ممكن تحتاج توصيلات تانيه لتوزيع الاحمال على الباورات ولامان اكتر
- واخيراهتحتاج صندوق خشب او المنيوم تركب عليه كروتك وجهازك والانترنت والكهربا مستقرين
السوفت وير - Software
- ويندوز 10 _ Windows10
- البرنامج الى هتشغله للتعدين وانا انصح بـ Claymore miner وهياخد عموله منك بحسب العمله وهى فى الغالب 1% او 2%
- الموقع الى هتبعت عليه قوتك التعدينيه وهيحسبلك مكسبك ويحولك انتاجك بشكل منتظم وكمان هياخد عموله زى البرنامج وانا انصح بـ ethermine و nanopool و dwarfpool والمواقع دى بتشتغل بنظام تعدين الجماعى والمشاركه فى الارباح التعدين وبتحسبلك مكسبك بانتظام وتعرفك قوتك التعدينيه ومكسبك التقديرى كل يوم وكل اسبوع وكل شهر بناء على اداء جهازك خلال اخر 24 ساعه وتبعتلك ارباحك فى وقت ثابت كل يوم او لما يوصل ربحك لرقم انت بتحدده اومحدد من الموقع وبيبعتلك ايميل فى حال جهازك توقف عن التعدين لاى سبب
- تعمل محفظه على منصه تداول وانصح بـ poloniex ودى تعتبر عنوانك وبتستقبل عليها ارباحك وبتابع بيها فى موقع التعدين وبتكتبها لبرنامج التعدين قبل ما تشغله
طبيعه العمل
- تجمع جهازك وتوصل الوصلات والرايزرات والباور
- تشغل الجهاز وتعرف كروت الشاشه وتشغل برنامج التعدين
- تتابع الهاش ريت بتاعك على موقع هتبعت عليه قوتك التعدينيه
- تستقبل ارباحك على منصه التداول وتحولها بتكوين او تستنى ارتفاع السعر وتحقق مكسبك احسن
الى هنا يكون قد انتهى موضوع اليوم اتمنى ان تحققو منه الاستفاده المرجوه "اذا كـان لديكم اى استفسار لا تترددوا فى التعليق " والسلام عليكم ورحمه الله تعالى وبركاته .
ليست هناك تعليقات:
إرسال تعليق